Ordensreglement

ORDENSREGLEMENT

1. HALDNINGAR

Alle i skulen, lærarar og elevar, må gjere sitt beste for at  skulen kan vere ein triveleg, trygg og stimulerande arbeidsplass.

Det er venta at alle er venlege, ærlege, høflege og viser respekt for kvarandre.

2. FRAMMØTE

Vi møter presis til alle timar. Elevane skal alltid ha med nødvendig utstyr til timane og straks gjere seg klar til under-

visninga.

3. FRIMINUTT OG LANGFRI

a. I friminutta og langfri oppheld elevane seg innafor skulen   

 sitt område.

b. Første del av langfri er matpause. Matpausen startar kl. 11.00 og elevane et i klasseromet.

4. SKULEBYGNINGAR OG INVENTAR

Vi må vere forsiktige og ikkje skade eller øydelegge skulen sine bygningar, inventar, utstyr og læremiddel. Dersom du skulle vere uheldig å øydelegge noko, skal du varsle lærar, inspektør  eller rektor med det same.

Dersom skulen vurderer det slik at eleven har klar skuld i det som har skjedd, pliktar eleven og foreldre/føresette å erstatte skaden.

5. FRÅVÆR OG FRI - MELDING

Første dag etter lovleg fråvær må du levere melding som er underteikna av foreldra eller andre føresette.

Spørsmål om fri:

a. Inntil ein dag vert avgjort av klassestyrar.

     Faglærar kan gje fri sine timar ein dag.

b. Inntil ei veke vert avgjort av rektor.

c.   Meir enn ei veke vert avgjort av lærarråd.

Spørsmål om fri må leverast skriftleg i meldingsbok eller eige skriv.

Spørsmål om fri meir enn ei veke, kjem berre på tale i heilt spesielle tilfelle, og slike spørsmål må vere rektor i hende i god tid på førehand.

6. VANLEG ORDEN

Vi skal halde klasserom og uteområde ryddig og i orden. Utstyr som vert brukt skal setjast på plass og spesielle ordenselev-plikter går på omgang mellom elevane. Det vert laga eigen instruks for ordenselev. 

7. RØYKING OG RUSMIDDEL

Det er ikkje tillate å røyke, bruke snus eller rusmiddel på skulen. Denne regelen gjeld og når skulen er på tur og ekskursjonar der skulen har ansvaret.

8. KLE OG VERDISAKER

Kvar elev har sjølv ansvar for yttertøy og verdisaker. Unngå å ha med deg verdisaker på skulen.

9. ANDRE REGLAR

Elevane får ikkje ha med seg skuledagbøker, blad, cd, dvd, videoar eller anna der innhaldet er i strid med skulen sin

kristne basis.

Mobiltelefon, mp3, disc-man o.l skal ikkje brukast i skuletida.

Rektor, klassestyrar og lærarråd kan setje i verk andre reglar som gjeld daglege forhold når dette er nødvendig for at skulen skal fungere så godt som mogeleg.

10. BROT PÅ REGLANE

Ved brot på reglane vurderer skulen i kvart tilfelle kva reaksjonar dette skal føre til. Aktuelle reaksjonsmåtar kan vere:

a. Irettesetjing frå lærar, klassestyrar eller andre tilsette.

b. Innkalling til samtale med rektor/inspektør.

c.  Melding heim og samtale med foreldre/føresette.

d. Inndraging av gjenstander ved misbruk.

e.  Nedsett ordens-og/eller framferdskarakter.

f.   Utvising frå ein time eller deler av timen.

g. Bortvising frå skulen inntil 3 dagar.

(Slik reaksjon er enkeltvedtak etter Forvaltningslova § 2 og kan påklagast til Fylkesmannen)

h. Andre tiltak som skulen finn passande i høve til regelbrotet.

 

Dersom regelbrotet er alvorleg nok, kan kvar reaksjon som er nemnt under punkt 10, brukast som første disiplinærreaksjon.

                                                                           M.U. VÅREN 2007